Hedabideetan zabaldu den Guztion Alardea izeneko taldearen sorrera dela eta, Alarde Fundazioa Hondarribiak hurrengoa adierazi nahi du:

Alarde Fundazioa Hondarribia entitate pribatua da, milaka lagunen (bazkideen) babesa duena, helburua Irailaren 8an Alardea antolatzea duena, gure arbasoengandik jaso dugun Ondare Kulturala babestuz eta errespetatuz.

Alarde Fundazioak ez du inor kanpoan uzten eta ez du ekiditen Irailaren 8an modu desberdin batean beste edonolako ekitaldirik antola dezaten.

Emakume eta gizonek ekitaldi desberdinak antolatzeko askatasuna bermatua dago eta Alarde Fundazioak hori errespetatzen du. Hori dela eta, guk antolatzen dugun Alardearekiko errespetua eskatzen dugu.

Alarde Fundazioak ez ditu soilik pentsatzeko modu desberdinak errespetatzen; Alarde Fundazioak urte osoa darama aktiboki, Alardea ulertzeko dauden eta pentsamendu desberdina duten taldeen arteko elkarrizketa eman eta hau gerta dadin, elkarbizitza hobetzeko helburuarekin. Gogora dezagun prozesu honek, bat bateko etenaldi bat jasan zuela azken orduko ezezko baten ondorioz, gure artean etsipen handia sortuz.

Hala ere, egindako lan gogorrak bere saria izan zuen eta Irailaren 8an Hondarribiak Alarde egun zoragarri batez gozatu zuen. Publikoak, egondako probokazioei entzungor egin zien eta urtero bezala, Alarde Fundazioak Segurtasun Saileko Ebazpena irmoki bete zuen.

Era berean, Alarde Fundazioa Hondarribiak ez du sekula topaketa proposamen bat ukatu, beti jaso izan ditu topaketa eskatu dituzten guztiak, nahiz eta iritzi guztiz kontrakoak izan. Horregatik, Guztion Alardea ere entzungo du.

Alarde Fundazioa Hondarribiak, oso harro sentiarazten duen Alardea ospatu eta finantzatzeko duen egitekoa berretsi nahi du, Justizia Epaitegiek honen legalitatea eta legitimitatea bermatzen dutelarik, aurten 5400 parte-hartzaile baino gehiago izanik, baita kaleetako milaka eta milaka pertsonen babesa ere jaso duelarik.
Hondarribian, 2019ko urriaren 18an.

ALARDE FUNDAZIOA HONDARRIBIA