KAPITAINA

Mikel Labaien Eraso (2014. urtetik)

TENIENTEAK

Igor Garín Martín

Ioritz Mendicute Goicoechea

BANDERA ERAMAILEA

Xabier Larruskain Aranberri

2019KO KANTINERA

Oihana Basterra Larzabal

Kontaktua

Akartegi Konpainiaren sorrera urtea zein den ez dakigu, Alardean parte-hartzen duten beste hainbat konpainien antzera. Idatzizko lehenengo erreferentzia 1890urtekoa da, baina ordurako Alardean parte-hartzen zutela esaten da. Hurrengo urteetan, ohikoa zen bezala, musikariak kontratatu behar izaten zituzten, baita udaletxean eskopetak eskatu ere, konpainia elkartu ahal izateko.

Gaur egun, konpainiak 250 kide baino gehiago ditu, eta Montaña konpainiarekin batera, irailaren 7an Guadalupeko Santutegiko Salbean ohorezko deskargak egiteaz arduratzen da. 

Hainbatek esaten dute gaur egun daramaten bandera Akartegik daraman hirugarrena dela. Gaur egungo banderan, Guadalupeko Amabirjinaren irudia agertzen da hurrengo esaldiarekin batera: ‘Verdadero retrato de la Milagrosa Virgen de Nuestra Señora de Guadalupe. Barrio Akartegui.’ 

Kantineraren aukeraketa Santiago egunean egiten da (Santiago eguna jai eguna ez bada, aurreko igandean egiten dute aukeraketa) Jaizkibel Hotelean. Hurrengo irizpideak bete behar ditu hautagaiak: 20 urte beteak izatea, edota urte horretan betetzea, Hondarribian gutxienez 10 urtez bizitzea eta Akartegin bizitzea edota konpainian 10 urte baino gehiago desfilatzen daramatzan kide baten familiakoa izatea. 

Irailaren 8an oso goiz biltzen dira, 6:15 aldera Kopan. Bi deskarga egin ondoren, Kantineraren etxera abiatzen dira, honen bila joateko. Alardea bukatzerakoan, Portutik buelta bat ematen dute eta merienda dagoen tokira abiatzen dira. 

Janzkera eta armamentua

Janzkera

  • Txapela gorria.
  • Jaka beltza, alkandora zuria, galtza zuriak albo bakoitzean bi zinta gorrirekin.
  • Gorbata eta gerriko gorriak.
  • Alpargata zuriak zinta gorriekin.
  •  Bandako kideek koka gorriak eramaten dituzte jakaren besoetan.
  • Kuberoek, konpainiaren izena daraman kubo bat daramate sorbaldan. 

Armamentua

  • Kapitain eta tenienteek:  Ezpata
  • Armadun hiritarrak:  Eskopeta

Bereizgarriak

  • Kapitainak: Urre koloreko hiru tira gorri besoetan. Gorbata gorria. Eskularru zuriak.
  • Tenienteek: Urre koloreko bi tira gorri besoetan. Gorbata gorria. Eskularru zuriak.
  • Sarjentuak: Urre koloreko hiru tira gorri besoetan.
  • Bandera eramailea: Gorri koloreko hiru tira jakaren ukondoan. 

Kantinerak

  • Txapela gorria.
  • Jaka beltza.
  • Tabladun gona zuria, beheko aldean zinta beltz bat duela. Pololo zuriak. Amantal beltza, ertzak urre koloreko zintarekin apainduak.
  • Bularra gurutzatzen duen banda zuria, dagokion marrazkiarekin. Bertan Kantineraren izen-abizenak eta data agertzen dira. Bandaren ertzak lotuz, egurrezko kupel txiki bat jartzen da.
  • Eskularru zuriak eta abanikoa.
  • Bota zuri altuak, aurreko aldean trentzatuak.

No event found!