Ama Guadalupekoa Konpainiaren sorreraren datu zehatzik ez dugun arren, konpainia honen idatzizko erreferentzia zaharrena 1919koa dugu, non bertan Maria Amunarriz Agirreren inguruan hitz egiten den, kantinera gisa atera zena. Ama Guadalupekoa Portuko konpainien barruan sartzen den beste konpainia bat da, eta Alardean parte-hartzen duten konpainia gorrietako bat da. 

Konpainiak kantineraren hautaketa Santiago egunean egiten dute. Aurkeztu ahal izateko, Alarde eguna baino lehen 20 urte beteak izan behar dute, Hondarribian jaioak izan behar dira edota bertan azken 10 urteak bizitzen egon; era berean, konpainiako kideren batekin nolabaiteko erlazioa izan behar dute. 

Irailaren 8an, Yola Berri taberna elkartzen dira Kantinerarekin batera. Alardea bukatzen denean, konpainiak Portutik azken buelta bat ematen du kantinerak prestatutako merendolara abiatu baino lehen.