Beti Gazte konpainia, “Pasteleros” izenarekin ezaguna, Alardean 1904. urtean parte-hartzen hasi zen. Beti Gazte ezaguna da ere beraien janzkera kolore zuria gailentzen delako, zapiak urdin argi batekoak direlarik. Kantinerak jaka kolore honetakoa eramaten du. 2004. urtean konpainiaren mendea ospatu zuten eta Santiago Kalean oroigarri bat ezarri zuten.

Kantineraren hautaketa Santiago egunean egiten da, goizez. Aurkeztu ahal izateko 20 urteak beteak izan behar ditu irailaren 8a baino lehen, era berean Hondarribian jaiotakoa izan behar da edota bertan bizitzen egon azken 10 urteetan. 

Irailaren 8an Konpainiak Kantinera Santiago kalean jasotzen du, aipatutako oroigarria kokatua dagoen tokian. Bertara desfilatzen iristen dira eta Kantineraren aurrean deskarga bat egiten dute. Bertan gosari txiki bat jasotzen dute eta jarraian Gernikako Arbolara abiatzen dira. Zapateroa jaitsi ondoren, Portutik azken buelta bat ematen dute eta Kantinerak merendola egiteko hautatua duen tokiraino joaten dira.