Mendelu konpainia 1940.urtean sortu zen, ordura arte auzoko kideak Jaizubia konpainian parte-hartzen zutelarik. Hasiera guztiak bezala, hauena ere gogorra izan zen, eta hasiera batean Irungo jendeari ordaindu egiten zieten beraiekin parte-har zezaten. Gaur egun, konpainiak 180 eta 230 kide inguru ditu, daten arabera, eta ez dago inolako irizpide berezirik bertan parte-hartu ahal izateko.
Mendelu konpainiaren biltze tokia Txanpa elkartean dago, bertan ospatzen dituzte afariak eta bilerak, eta bertan elkartzen dira entsegu eta irailaren 8an. Aipatutako entseguak auzotik izaten dira, azkeneko izan ezik, erdigunera hurbiltzen direlarik. Beraientzat oso berezia den entsegu bat ere badago, egun horretan Mendeluko eguneko zentrura eta Caser zentrura hurbiltzen dira, eta horrela Alardea auzoko helduenei hurbiltzen diete. Gainera, Caser zentruaren kasuan, bertan bizi direnen artean aukeratutako kantinera batekin desfilatzen dute.
Konpainiak duen beste berezitasun bat hurrengoa da; bandera eramailea kantineraren aurrean doa, eta ez konpainiaren aurreko aldean.
Kantineraren hautaketa uztaileko azken aurreko ostiralean ospatzen da Txanpa Elkartean, bertan konpainiako komisioa elkartu eta kantinera aukeratzen dute. Aurkeztutakoak 20 urte beteak izan behar ditu irailaren 8a baino lehen, eta Mendelukoa izan behar da, edota bertan bizitzen egon azken 15 urteetan.
Irailaren 8an goizeko 6:45tan elkartzen da konpainia Txanpa Elkartean, kantineraren bila joateko. Bertan gosari txiki bat jasotzen dute. Gainera, hildakoen omenez deskarga bat egiten dute. Jarraian, Gernikako Arbolara abiatzen dira, eta bertan Alardeko gainontzeko konpainiekin elkartzen dira. Arratsaldeko Alardea eta Zapateroa bukatuta, auzora itzuli beharrean, konpainiak erdigunean bukatzen du; lehen Alameda inguruan bukatzen zuten, baina 1977 urteaz geroztik, Zabalaren txoko inguruan bukatzen dute, Portutik azken buelta bat eman ondoren.
Janzkera eta armamentua
Janzkera
Armamentua
Bereizgarriak
Kantinerak